Our Testimonials
What Our Patient Say About Our Caring
Mera naam Sarla Jain hai aur mai Madhya Pradesh se hoon. Mere pair tedhe the aur chalne mein bohot takleef hoti thi. Zameen par baithna bhi mushkil tha. MP aur Jaipur mein kai doctors ko dikhaya, lekin kahin santushti nahi mili. Phir Dr. Nikhil Bansal se mili, unhone jaanch kar bataya ki mujhe osteoarthritis hai aur TKR karne ki salah di. Unhone mujhe bharosa dilaya ki mai apne kaam wapas khud kar paungi. Mera operation safalta se hua aur agle din se mai chalne lagi. Aaj mai bilkul theek hu aur apne kaam khud kar rahi hu. Dr. Bansal ne meri zindagi badal di hai.
Namaskar, mera naam Mahmudi hai aur mai Alwar se hoon. Pichle 4-5 saal se mere ghutno mein dard tha, jo meri kamar tak pahunch gaya. Chalna aur baithna mushkil tha. Alwar ke doctors se fayda nahi hua, tab mere bete ke dost ne Dr. Nikhil Bansal ka naam suggest kiya. Hum Jaipur aaye, Dr. Nikhil ne mera X-ray karke turant TKR ki salah di. Unpe vishwas karte hue operation karwaya, aur agle din hi chalne lagi. Sirf 15 din ke andar zameen par baithne lagi aur ab bina kisi dikkat ke chal paa rahi hoon. Aaj lagta hai jaise Dr. Nikhil ne mere ghutno mein nayi jaan daal di ho. Dhanyawaad!
Dear Dr. Nikhil, Mera naam Aman Sharma hai, aur mai Sikar se hoon. Kuchaman Defense Academy mein training ke dauraan, jump karte waqt mere ghutne mein chot lag gayi thi. Pehle to mai physio therapy le raha tha, lekin 1-2 saal tak koi faida nahi hua, aur mujhe apna defense ka sapna beech mein hi chhodna pada. Aap se milne ke baad pata chala ki mera ACL damage ho gaya tha, aur aapne mujhe ACL reconstruct surgery ka sujhaav diya. Aapne mere ACL ka operation Arthroscopy takneek se kiya, aur agle din hi chalne laga. Sirf 8 mahine ke rehab ke baad, ab mai wapas running aur jumping kar raha hoon, aur defense join karne ki tayari kar raha hoon. Aapka dil se shukriya!
Mera naam Pema Ram hai aur mai Sujangarh ka rehne waala hoon. Meri umar 30 saal hai. Job ke dauran mere kulhe mein dard shuru hua, pehle maine ignore kiya, lekin kuch hi samay baad mera ek pair chhota padne laga aur lachak aa gayi. Iss wajah se mujhe apni job chhodni padi aur meri aarthik stithi bhi bigadne lagi. Aakhir mein Sujangarh ke doctor ne mujhe Dr. Nikhil Bansal ka naam suggest kiya. Jaipur mein Dr. Nikhil se mila, unhone kaha ki kulhe ka pratyaropan (THR) zaroori hai. Operation ke baad mere pair seedhe ho gaye, ab main theek se chal paa raha hoon aur wapas kaam kar raha hoon or bhut khush hoon.
Our Happy Patients
Before and After Results of our Patients
Best Medical & Health Care Near Your City
We provide the best possible care to our patients and give new hopes.